ताइपेई – ताइवानमा सैनिक हेलिकप्टर दुर्घटना हुँदा प्रधान सेनापतिसहित ८ जनाको मृत्यु भएको छ ।

वायु सेनाका प्रमुखसमेत रहेका प्रधान सेनापति सेन यी मिङसहित १३ जना चढेको ब्ल्याक हक हेलिकप्टर बिहीबार बिहान उत्तरी ताइवानको पहाडमा दुर्घटना भएको ताइवानी रक्षा मन्त्रालयले जनाएको छ ।

प्रधान सेनापति मिङ उत्तरपूर्वी क्षेत्रमा रहेका सैनिकहरूलाई भेट्न हेलिकप्टरमा जादै गरेको अवस्थामा दुर्घटना भएका थिए ।

हेलिकप्टरमा सवार पाचँलाई जिवितै उद्धार गरिएको थियो । तर प्रधान सेनापती सहित अन्य सात जनाको भने मृत्यु भएको जनाइएको छ ।