मकवानपुर – हेटौँडा उपमहानगरपालिका-१ चाइनागेटस्थित पूर्वपश्चिम सडकमा ट्याङकरले मोटरसाइकलाई ठक्कर दिंदा एक जनाकाे मृत्यु भएकाे छ ।

शुक्रबार बिहान ना.८ ख ३८७२ नम्बरको ट्याङकरले ना.५६ प ३९३५ नम्बरको मोटरसाकललाई ठक्कर दिंदा मोटरसाइकलमा सवार ३५ वर्षीया सिता न्यौपानेको घटनास्थलमै मृत्यु भएको हाे ।

दुर्घटनामा घाइते भएका मोटरसाइकल चालक सोही ठाउँ बस्ने ४५ वर्षीय शशी न्यौपानेको हेटौंडा अस्पतालमा उपचार भैरहेको छ । ट्याङकर र चालकलाई प्रहरीले नियन्त्रणमा लिएको छ ।

मोरङ, सुन्दरहरैंचा नगरपालिका-७ ठडिया चोकस्थित पूर्वपश्चिम राजमार्गमा को.१ ज ३१६८ नम्बरको पिकअप भेन र को.३५ प १४२२ नम्बरको मोटरसाइकल शुक्रवार बिहान एकआपसमा ठक्कर खाई दुर्घटना हुँदा गम्भीर घाइते भएका मोटरसाइकल चालक बेलबारी नगरपालिका-२ बस्ने २० वर्षीय योगेश निरौलाको बिराटनगर न्यूरो अस्पतालमा उपचारको क्रममा मृत्यु भएको छ ।

दुर्घटनामा घाइते भएका मोटरसाइकलमा सवार सोही ठाउँ बस्ने १९ वर्षीय सुसन कार्कीको सोही अस्पतालमा उपचार भइरहेको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।