काठमाडौं– कृषि विकास बैंकले २० प्रतिशत बोनस शेयर प्रदान गर्ने भएको छ।

बैंकले आव २०७३÷७४ को लाभांशबाट बोनस शेयर दिन लागेको हो। उसले आर्थिक वर्ष २०७३÷७४ मा ९९ अर्ब ९२ करोड निक्षेप संकलन गरेको छ।

बैंकका प्रमुख कार्यकारी अधिकृत लीलाप्रकाश सिटौलाले आव २०७२-७३ मा भन्दा यस वर्ष १५ प्रतिशतले निक्षेप संकलन वृद्धि भएको जानकारी दिए।

बैंकले आव २०७३-७४ मा एक खर्ब नौ अर्ब २२ करोड कर्जा प्रवाह गरेको छ। जुन अघिल्लो वर्षको तुलनामा १० प्रतिशतले बढी हो। बैंकको चुक्ता पूँजी सात अर्ब आठ करोड ७६ लाख ८० हजार रहेको छ।