काठमाडौं – स्विट्जरल्यान्डको डाभोसमा आयोजित विश्व आर्थिक मञ्चको ४९ औं बैठकमा सहभागी भएर स्वदेश फिर्ता भएका प्रधानमन्त्री केपी शर्मा ओलीलाई नेपाली कांग्रेसको भातृ संगठन नेविसंघका कार्यकर्ताले विमानस्थलभित्रै कालो झण्डा देखाएका छन्।

कालो झण्डा देखाउने ४ जनालाई प्रहरीले पक्राउ गरेको छ । पक्राउ पर्नेमा काँग्रेसको भातृ संगठन नेविसंघका केन्द्रीय सदस्य सुशील भट्ट नेताहरु निरञ्जन थापा, सुवास घिमिरे सुदीप अधिकारी रहेका छन् ।

उनीहरुले प्रतिपक्षी दलको विरोधका बाबजुत पारित भएको चिकित्सा शिक्षा विधेयकको विरोधमा प्रधानमन्त्री ओलीलाई कालो झण्डा देखाएको जनाइएको छ ।