एजेन्सी – अमेरिकाको राजधानी वासिङ्टन डीसीमा गोली चल्दा एक जनाको मृत्यु भएको छ ।
बिहीबार राति कोलम्बिया हाइट्स क्षेत्रमा भएको पहिलो गोली प्रहारमा एक जनाको मृत्यु हुनुका साथै पाँच जना घाइते भएको प्रहरीले जनाएको छ ।

घाइते हुनेमा महिला समेत रहेको वासिङ्टन पोस्टले जनाएको छ । सो क्षेत्रमा प्रहरीले दुईजना व्यक्ति हतियार लिएर हिँडिरहेको तस्विर फेला पारेको छ । प्रहरीले घटनाबारे अनुसन्धान गर्दै संदिग्धहरुको खोजी गरिरहेको छ ।

यस्तै, बिहीबार राति नै वासिङटनको रोधे आइलयान्डमा पनि गोली चलेको र त्यस घटनामा तीनजना घाइते भएको प्रहरीले जनाएको छ । प्रहरीले दुवै घटना एकअर्कासँग जोडिएको हुनसक्ने अनुमान गरेको छ ।