एजेन्सी – अमेरिकामा शक्तिशाली टोर्नेडो आएको छ । टोर्नेडोका कारण मिसोरी राज्यस्थित गोल्डेन सिटीमा ३ जनाको मृत्यु भएको छ ।

बुधबार राति गोल्डेन सिटी, जेफर्सन सिटी लगायतका क्षेत्रमा टोर्नेडोले आतंक मच्चाएको थियो । टोर्नेडोले दर्जनौं घरहरुमा क्षति पुर्याएको छ भने दर्जनौं विजुलीको पोल लडाएको छ ।

हाल हजारभन्दा बढी मानिसहरु विजुली विहिन भएको जनाइएको छ । जेफर्सन सिटीका प्रहरीका अनुसार त्यहाँ टोर्नेडोका कारण अवस्था नाजुक बनेको छ ।