काठमाडौं— सशस्त्र प्रहरीमा एआईजीको संख्या कटौती भएको छ । गृहमन्त्रालयले नेपाल प्रहरी र सशस्त्र दुवै संगठनमा विशिष्ट श्रेणीको दरबन्दी कटौती गर्न सिफारीस गरेको हो । यसअघी सशस्त्र प्रहरीमा फाजिलसहित ८ जना एआईजीको दरबन्दी रहेको थियो । एआईजीको संख्या कटौती भएसंगै सशस्त्रमा अव दुई वटा मात्र विभाग रहनेछन् ।
जसमा मानवस्रोत विभागअन्र्तगत प्रशासन, कर्मचारी प्रशासन शाखा र तालिम रहनेछ भने कार्यविभागअन्र्तगत सिमा र अपरेशन विभाग रहनेछ । यसअघि सिमा,अपरेशन र प्रशासनमा एआईजीको दरबन्दी रहेको थियो ।
सशस्त्र प्रहरी महानिरीक्षक शैलेन्द्र खनाल सशस्त्रमा एआईजीको संख्या घटाउने पक्षमा थिए । उनले आईजिपीको पछी रहने एआईजीको लावा लस्कर घटाउनुपर्ने भन्दै सार्वजनिक अभिव्यक्ति दिंदै आएको सशस्त्रका एक एआईजीले बताए ।
कांग्रेस सभापति शेरबहादुर देउवा प्रधानमन्त्री भएको बेला सशस्त्रमा एआईजीको सख्या बढाइएको थियो । हाल सशस्त्रमा फाजिलका ५ जना एआईजीहरु जिम्मेवारीविहिन भएका छन् । उनिहरुको दरबन्दी खारेज गर्नेमा महानिरीक्षक खनाल भएपनि उनको उक्त प्रयास भने विफल भएको छ ।
सशस्त्रमा एआईजीहरु सुवोध अधिकारी,जानकारी भट्टराई ,निराकारमविक्रम शाह,खडानन्द चौधरी र राजेश श्रेष्ठले अहिलेसम्म कुनै जिम्मेवारी पाएका छैनन् । फाजिलमा बढुवा भएका पांचै जना एआईजीको पदस्थापन नगरेको भन्दै आईजिपी खनालको आलोचना हुंदै आएको छ ।
सुरज श्रेष्ठ डिआईजीबाटै अवकास पाउने
हाल सशस्त्रको डिआईजी रहेका सुरज श्रेष्ठको एआईजी बन्ने बाटो बन्द भएको छ । सशस्त्र प्रहरी महानिरीक्षक शैलेन्द्र खनालको सचिवालयमा कार्यरत डिआईजी श्रेष्ठ एआईजीको दकरबन्दी घटेसंगै डिआईजीबाट अवकास पाउने निश्चित भएको हो । श्रेष्ठले यसअघि एआईजीको बढुवामा आवेदन नै नदिएपछि वरियतामा उनिभन्दा पछि रहेका डिआईजी राजेश श्रेष्ठ एआईजी बन्न सफल भएका थिए ।
वरियतामा एक नम्बरमा रहेका डिआईजी श्रेष्ठ खनाललाई महानिरीक्षक बनाउन सबैभन्दा बढी लविङमा लागेका थिए । उनकै सल्लाहमा श्रेष्ठले बढुवाको लागी आवेदन दिएका थिएनन् । आईजिपी खनालले श्रेष्ठलाई फाजिलको दरबन्दी खारेज गरेर एआईजी बनाउने आश्वासन दिएपनि शसस्त्रमा एआईजीको दरबन्दी कटौती भएसंगै उनको एआईजी बन्ने बाटो बन्द भएको छ ।
सशस्त्रमा हाल फाजिलमा रहेका एआईजीहरुको बढुवा भएको चार महिना भइसकेको छ । एआईजीको हाल रहेको ४ वर्षे पदावधिअनुसार उनिहरु अवको ३ वर्ष ८ महिनामा अनिवार्य अवकासमा जानेछन् । यदि एआईजीको पदावधी दुई बर्ष कायम हुंदा समेत उनिहरु अझै २० महिना एआईजीकै रुपमा सेवामा कार्यरत रहनेछन् ।
हाल डिआईजी रहेका श्रेष्ठ भने डिआईजीको चार वर्षे पदावधीको कारण अवको १७ महिनापछि अवकास पाउनेछन् । श्रेष्ठ मात्र होईनन् एआईजीको संख्या घटेसंगै हालका सशस्त्र प्रहरी प्रवक्ता रहेका डिआईजी बावुराम पाण्डे समेत डिआईजीबाट अवकास पाउनेछन् ।
श्रेष्ठ र पाण्डे दुवै जना व्यवसायीक अधिकृतहरु मानिन्छन् । श्रेष्ठलाई संगठनभित्र गुटबन्दीमा संलग्न रहेको आरोप लागेको छ । श्रेष्ठले खनालपछि आफु आईजिपीको लाइनमा रहेको भन्दै आफुलाई संगठनको भावी नेतृत्वका रुपमा समेत चिनाउदै आएका थिए ।
उनिहरु दुवै जनाले डिआईजीबाट अवकास पाए यसको प्रत्यक्ष फाइदा हाल एसएसपी रहेका राजु अर्याल,चन्द्रप्रकाश गौतम र नारायणदत्त पौडेलहरुलाई हुनेछ । खनालपछि आईजिपी बन्ने लाइनमा अर्याल र गौतम हुनेछन् । पौडेलले एसएसपीमा कार्वाही भोगेकाले उनि संगठन प्रमुख बन्ने सम्भावना भने कम छ ।
यो पनि पढ्नुहोस-
प्रतिक्रिया