काठमाण्डु – सशस्त्र प्रहरीले करीब ८ लाख ९९ हजार ८९० रुपैयाँ बराबरको अवैध सामान सहितको बलेरो पिकअप गाडी महोत्तरी जिल्लाको जलेश्वर नगरपालिका–३ मालिवाडाबाट नियन्त्रणमा लिएको छ ।

भारतबाट अवैध रूपले भन्सार छली बीआर ०६ जीजी ४७६५ नम्बरको गाडीमा राखी नेपालतर्फ ल्याउँदै गरेको ब्याग, टोपी, बेल्ट, चस्मा, घडी लगायतका फेन्सी सामानको बिलबिजक नभेटिएपछि सशस्त्र प्रहरी बल नेपाल प्रस्तावित सीमा सुरक्षा गुल्म जलेश्वरले नियन्त्रणमा लिएको हो ।

बरामद सामान तथा गाडीको भन्सार दाखिला मूल्य १८ लाखसहित जम्मा मूल्य २ं६ लाख ९९ हजार ८९० रुपैयाँ कायम गरी जलेश्वर भन्सार कार्यालय महोत्तरीमा बुझाइएको सहायक प्रवक्ता सशस्त्र प्रहरी नायव उपरीक्षक शैलेन्द्र थापाले जानकारी दिए ।