काठमाडौं– नेपाली सेनाले मात्र प्रयोग गर्ने गरेको भनिएको आधुनिक हतियार ‘एम १६’ मोरङको मिक्लाजुङ गाउँपालिका ६ नुनसरी बक्राह खोला किनारमा फेला परेको छ।
उक्त हतियार खिया लागेको अवस्थामा फेला परेको र साथमा म्यागजिन र ६ राउण्ड गोली पनि भेटिएको जनाइएको छ।

खोलाबाट ढुंगागिटी उत्खनन गरिरहेको स्काभेटरले नदिजन्य बस्तु निकाल्ने क्रममा हतियार भेटेपछि प्रहरीलाई खबर गरेको थियो । मधुमल्लाबाट पुगेको प्रहरीले आइतबार खिया लागेको अवस्थाको हतियार फेला पारेको जिल्ला प्रहरी कार्यालय मोरङका डीएसपी घनश्याम श्रेष्ठले जानकारी दिए ।

एम १६ हतियार द्वन्द्वकालमा नेपाली सेनाले मात्र प्रयोग गर्ने अनुमति पाएको थियो ।