काठमाडौं – प्रधानसेनापति पूर्णचन्द्र थापाले बुधबार हेटौँडास्थित मध्य पृतना हेडक्वाटर चनवनस्थित ७ नं. बाहिनी अड्डा, सुनाचुरीस्थित सुनाचुरी इमल्सन प्लाण्ट र १ नं. जगदल गणको निरीक्षण भ्रमण गरेका छन् ।

निरीक्षण भ्रमणको क्रममा प्रधानसेनापति थापाले उक्त पृतना हेडक्वाटर बाहिनी अड्डा, प्लाण्ट र गणको स्थलगत बस्तुस्थिति, तालिम, बन्दोबस्तीलगायत अन्य विविध पक्षबारे जानकारी हासिल गर्नुको साथै सकलदर्जालाई सम्बोधन गरेका थिए । निरीक्षण भ्रमण सम्पन्न गरी उनी आजै काठमाडौं फिर्ता भएका छन् ।