काठमाण्डु – ललितपुर जिल्लाको ललितपुर महानगरपालिका–९ च्यासलस्थित टन हब क्याफेमा चक्कु प्रहारबाट १ जनाको मृत्यु भएपछि २ जना पक्राउ परेका छन् ।

सोमबार राति सवा ९ बजेतिर क्याफेको काउन्टरमा काम गर्ने डडेलधुराको परशुराम नगरपालिका–११ घर भई हाल च्यासल बस्ने २६ वर्षीय हेमराज भट्टले विवादमा चक्कु प्रहार गर्दा ग्राहक घाइते भएका थिए ।

सुनसरीको ईटहरी घर भई हाल सातदोबाटो बस्ने २३ वर्षीय नयन गुरुङमाथि धारिलो हतियार चक्कु प्रहार गरी घाईते बनाएकोमा तत्काल उपचारका लागि बीएण्डबी अस्पताल पुर्‍याएकोमा राति १० बजेतिर उनको मृत्यु भएको थियो ।

उनको मृत्यु भएपछि प्रहरीले भट्ट र काभ्रेको मण्डनदेउपुर नगरपालिका–११ घर भई हाल च्यासल बस्ने क्याफेमा काम गर्ने २२ वर्षीय जनक बहादुर तामाङलाई पक्राउ गरेको छ ।