काठमाण्डु – काठमाण्डु महानगरपालिका–३२ कोटेश्वरस्थित होटेल विश्पुलबाट पेस्तोल १ थान, म्यागजिन १ थान र गोली ९ राउण्डसहित प्रहरीले १ जनालाई पक्राउ गरेको छ ।

काठमाण्डु महानगरपालिका–३२ कोटेश्वर नरेफाट घर भएका ३३ वर्षीय सनराईज खड्कालाई आईतबार बिहान प्रहरीले पक्राउ गरेको छ ।

काठमाण्डु उपत्यका प्रहरी कार्यालयबाट खटिएको प्रहरी टोलीले होटलको कोठा नम्बर ४०१ बाट हतियार फेला पारी उनलाई पक्राउ गरेको हो । घटना सम्बन्धमा आवश्यक अनुसन्धान गरिरहेको प्रहरीले जनाएको छ ।