काठमाण्डु – वैदेशिक रोजगारीमा क्यानडा पठाइदिने भन्दै ४ लाख रुपैयाँ ठगी गरेको आरोपमा प्रहरीले १ जनालाई पक्राउ गरेको छ ।

पक्राउ पर्नेमा धादिङको गंगा जमुना गाउँपालिका–६ घर भई हाल काठमाण्डुको नागार्जुन बस्ने ४६ वर्षीय कृष्णबहादुर ढकाल छन् । उनलाई काठमाण्डु उपत्यका अपराध अनुसन्धान कार्यालयको टोलीले पक्राउ गरेको छ ।

क्यानडा पठाउने भन्दै ४ लाख रुपैयाँ ठगी गरेको आरोप उनीमाथि छ । उनलाई वैदेशिक रोजगार विभागको कार्यालय ताहचल पठाइएको एसपी काजी कुमार आचार्यले बताए ।