सुनसरी – बराहक्षेत्र नगरपालिका–१ चतरा कोशीपुलबाट अवैध लागूऔषध गाँजा ६ किलोग्राम सहित भोजपुर आमचोक गाउँपालिका–६ बस्ने १८ वर्षीय किशोरलाई बिहीबार बिहान प्रहरीले पक्राउ गरेको छ ।

अस्थायी प्रहरी पोष्ट चतरापुलबाट खटिएको प्रहरी टोलीले चुहाडेबाट ईटहरीतर्फ आउँदै गरेको को१ज २५८८ नम्बरको बोलेरोलाई जाँच गर्ने क्रममा बोलेरोमा सवार उनलाई गाँजासहित पक्राउ गरेको हो ।

बरामद गाँजा सम्बन्धमा आवश्यक अनुसन्धान गरिरहेको प्रहरीले जनाएको छ ।