कैलाली – धनगढी उपमहानगरपालिका–३ मिलनचोक नजिकबाट अवैध लागूऔषध ब्राउनसुगर ३ ग्राम ८२० मिलिग्रामसहित गौरीगंगा नगरपालिका–६ वनवेहडा बस्ने २९ वर्षीय कृष्ण खड्कालाई शनिबार दिउँसो प्रहरीले पक्राउ गरेको छ ।

लागूऔषध नियन्त्रण ब्यूरो शाखा कार्यालय धनगढीबाट खटिएको प्रहरी टोलीले उनलाई लागूपदार्थसहित पक्राउ गरेको हो ।

प्रहरीले उनले प्रयोग गरेको सुप प्र ०१००९ प ७२ नम्बरको मोटरसाइकल समेत बरामद गरेको छ ।

लागूऔषध सम्बन्धमा आवश्यक अनुसन्धान गरिरहेको प्रहरीले जनाएको छ ।