काठमाण्डु – राजावादी अभियन्ता दुर्गा प्रसाईंको संयुक्त जनआन्दोलन घोषणासभा परिचालन समितिका संयोजक देवी संग्रौलालाई प्रहरीले पक्राउ गरेको छ ।

झापा घर भएका संग्रौलालाई प्रहरीको विशेष टोलीले सोमबार ललितपुरको भैंसेपाटीबाट पक्राउ गरेको छ ।

विभिन्न संस्था तथा पार्टीका तर्फबाट राजावादीहरूले संयुक्त आन्दोलन गर्न परिचालन समिति बनाइएकोमा संग्रौलालाई प्रसाईंको तर्फबाट सम्मिलित गरिएको थियो ।

यसअघि प्रसाईंको सुरक्षा दस्ताका ४ जना पक्राउ परिसकेका छन् । तीनकुनेमा २ जनाको ज्यान लिएको, विभिन्न कार्यालय तथा निजी सम्पत्तिमा आगजनी र तोडफोड गरेको, लुटपाट गरेको लगायतका कसूरमा प्रहरीले पहिलोपटक ४१ जनाविरुद्ध अदालतबाट थुनुवा अनुमति लिएको छ ।