काठमाण्डु – भारतको औपचारिक भ्रमणमा रहेका प्रधानसेनापति अशोकराज सिग्देलले बुधबार भारतीय स्थल सेनाध्यक्ष उपेन्द्र द्विवेदीसँग शिष्टाचार भेटघाट गरेका छन् ।

प्रधानसेनापति सिग्देलले भारतीय राष्ट्रिय सुरक्षा सल्लाहकार अजित डोभल, चिफ अफ डिफेन्स स्टाफ जनरल अनिल चौहान, रक्षा सचिव र विदेश सचिवसँग छुट्टाछुट्टै भेटघाट गरेका छन् ।

बुधबारै प्रधान सेनापति सिग्देलले भारतको नयाँदिल्ली स्थित राष्ट्रिय समर स्मारकमा पुष्पगुच्छा चढाई वीर शहीदहरूप्रति श्रद्धाञ्जली अर्पण गरे । उनको सम्मानमा भारतीय सेनाको एक टुकडीले सम्मान गारत अर्पण गरेको थियो ।