एजेन्सी – दक्षिण–पूर्वी अस्ट्रेलियामा दुई विमान दुर्घटनामा परेका छन् ।

दुई साना विमान एक आपसमा ठोकिदा ४ जनाको घटनास्थलमै मृत्यू भएको छ । दुवै विमानको भग्नावशेष जमिनमा चारैतर्फ फैलिएको छ । भिक्टोरिया राज्यको राजधानी मेलबर्नम भएको यो दुर्घटनापछि प्रहरी र आपतकालिन सेवा तत्काल उक्त स्थानमा पुगेका थिए ।

भिक्टोरिया प्रहरीले दुवै विमानम रहेका दुई–दुई मानिसको मृत्यु भएको जनाएको छ । यद्यपि मर्ने मानिसको पहिचान अझैसम्म पनि हुन सकेको छैन ।

स्थानीय मीडियाले जारी गरेको तस्वीरमा दुई साना विमानको टुक्रा देखाइएको छ । नागरिक उड्डयन सुरक्षा प्राधिकरण तथा अस्ट्रेलियन परिवहन सुरक्षा ब्यूरोलाई घटनाको विषयमा जानकारी गराइएको छ ।