काठमाण्डु – पूर्वप्रधानमन्त्री डा. बाबुराम भट्टराईले व्यापक जनदबाबबाट शिक्षा क्षेत्रको सुधारका निम्ति आवाज उठाउनुपर्ने बताएका छन् ।

बुधबार काठमाण्डुको माइतीघरमा आयोजित खुला शैक्षिक बहसमा बोल्दै भट्टराईले मुलुकलाई अघि बढाउनका लागि शिक्षा क्षेत्रको सुधार आवश्यक रहेको भन्दै व्यापक जनदबाब सिर्जना गर्नुपर्ने बताए ।

शिक्षा आयोगको प्रतिवेदनलाई तुरुन्त लागू गर्न पनि दबाब दिनुपर्ने उनले बताए । केही पुराना भन्नेहरूले आन्दोलनभित्र पसेर लाभ लिने र चुनावको रोटी सेक्ने प्रवृत्ति रहेकाले सजग हुन उनले सुझाव दिए । भट्टराईले युवाको सक्रियतामा नै शिक्षा क्षेत्रको सुधार सम्भव रहेको बताए ।