महेन्द्रनगर – बझाङ आइडलमा प्रथम भएकी ९ वर्षीया बालिका आशिका कुँवरको स्वरमा रहेको पहिलो गीत बजारमा आउने भएको छ ।कर्णप्रिय आवाजकी धनि बालिका आशिकाको स्वरमा ‘चर्किएका भाग्य रेखा’ बोलको गीत केही दिनमा बजारमा आउने भएको हो ।

‘चर्किएका भाग्य रेखा’ गीत अनाथ बालबालिकासंग सम्बन्धित सो गीतको रेकर्डिङ्ग गर्ने कार्य सकिएको छ । गीतमा शब्द तथा लय साहित्यकार सीता खड्काको रहेको छ भने एरेन्ज गायक टंक तिमिल्सिनाले गरेका छन् । मंसिर १५ गतेभित्र गीत बजारमा आउने गीतमा आफ्नो घरको यथार्थ प्रस्तुत गरिएको साहित्यकार खड्काले बताइन् ।

कर्णप्रिय आवाजकी धनि बझाङको बुगंल नगरपालिका–२ बिजगडीकी आशिका केही दिन अगाडि जिल्लामा सम्पन्न बझाङ आइडलमा प्रथम भएकी थिइन । बझाङको बंगुल नगरपालिका–२ बिजगडास्थित श्री सरस्वती माध्यमिक विद्यालयमा कक्षा ७ मा अध्ययनरत आशिकाको उक्त प्रतिभा संसारमाझ पुग्ने साहित्यकार सीता खड्काको विश्वास छ ।