काठमाण्डु-  नेकपा एमालेका केन्द्रीय सदस्य भानुभक्त जोशीले आफू माधव नेपाल नेतृत्वको पार्टीमा नरहेको जानकारी दिएका छन् । नेपाल अध्यक्ष रहेको पार्टीले जोशीको नाम एमाले समाजवादीको केन्द्रीय सदस्यमा राखेर निर्वाचन आयोगमा पेश गरेपछि जोशीले त्यसमा आपत्ती जनाएका हुन ।

उनि पुर्वमन्त्री समेत हुन । जोशी सुदुरपश्चिममा बलियो जनाआधार भएका नेतामध्ये पर्छन । जोशीले बुधवार सांझ विज्ञप्ति जारी गर्दै आफू एमाले एकताको पक्षमा रहेको र बांकी निर्णय आफ्नो जिल्ला, प्रदेश र शुभेच्छुकहरुको सल्लाहअनुसार गर्ने बताएका छन् ।

यस्तो छ जोशीको भनाई
म निरन्तर पार्टीको एकताको पक्षमा लागि रहेको थिए र अहिले पनि लागि नै रहेको छु । मेरो सहमति नलिई मेरो नाम नेकपा एमाले(समाजबादी) पार्टीको केन्द्रिय
कमिटी सदस्यमा राखिएकोमा मेरो सहमति नभएको जानकारी गराउछु । मेरो जिल्ला, प्रदेश र अन्य शुभेच्छुक साथीहरुको सल्लाहअनुसार नै अगाडि बढ्ने छु ।