काठमाण्डु– कोटेश्वरको भाटभटेनी सुपरमार्केटका सुरक्षा गार्ड दुलप्रसाद पराजुली पुरस्कृत भएका छन्।

चैत १५ गते राजावादीको हिंसात्मक आन्दोलनको क्रममा लुटपाटको घटना नियन्त्रणमा बहादुरी देखाएको भन्दै उनलाई नगदसहित सम्मान गरिएको हो ।

आज एक कार्यक्रमकाबीच भाटभटेनी सुपरमार्केटका सञ्चालक मीनबहादुर गुरुङले पराजुलीलाई ५ लाख एक हजार एक सय ११ नगद रुपैयाँ पुरस्कार प्रदान गरेका हुन् ।

यस्तै पराजुलीलाई ५ ग्रेड बढुवा समेत गरिएको छ ।

राजावादीहरुको हिंसात्मक प्रर्दशनका क्रममा भएको तोडफोड तथा लुटपाटबाट ८० लाख भन्दा बढीको क्षति भएको सो भाटभटेनीले जनाएको छ।