काठमाण्डु-एमालेबाट निष्कासित पूर्वउपाध्यक्ष भीम रावलले नेकपा (एकीकृत समाजवादी)का उपमहासचिव राजेन्द्र राईसँग भेटघाट गरेका छन् ।

राई कोशी प्रदेशका पूर्वमुख्यमन्त्री समेत हुन् । धरानमा आइतबार बिहान केही स्थानीय व्यक्तित्वलाई भेटेका रावलले त्यसलगत्तै राईसँग भेटवार्ता गरेका हुन् ।

भेटमा रावलले ‘मातृभूमि जागरण अभियान’का बारेमा राईलाई जानकारी गराएका थिए । माधव नेपाल प्रधानमन्त्री भएका बेला रावल गृहमन्त्री थिए । राई प्रधानमन्त्रीको प्रमुख राजनीतिक सल्लाहकारको भूमिकामा थिए ।

रावललाई एकीकृत समाजवादी र एमालेकै पुराना नेताहरूले साथ दिएको उनी निकटका नेताहरूले दाबी गरेका छन् ।