काठमाण्डु – मकवानपुरको राक्सिराङ गाउँपालिकाले क्रिसमस मनाउन मंगलबार र बुधबार सार्वजनिक बिदा दिएको छ ।

इसाई धर्मावलम्बीहरूले मनाउने क्रिसमसको उपलक्ष्यमा गाउँपालिकाले २ दिन सार्वजनिक बिदा दिएको छ ।

गाउँपालिकामा इसाई धर्मावलम्बीहरूको उल्लेख्य बसोबास रहेको बताइएको छ । गाउँपालिकाभित्रका सम्पूर्ण सार्वजनिक कार्यालय, सरकारी कार्यालय, शिक्षण संस्थाहरू बन्द रहने अध्यक्ष राजकुमार मल्लले विज्ञप्तिमार्फत जनाएका छन् ।