एजेन्सी – तामिल चलचित्रका चर्चित अभिनेता विजयले एक फिल्ममा महंगो पारिश्रमिक लिएका छन् । विजयले चलचित्र ‘थलपथी ६५’का लागि एक सय करोड पारिश्रमिक लिएको भारतीय अनलाइन दैनिक भाष्करले जनाएको छ ।

विजयले अभिनय गरेका अधिकांश चलचित्रले बक्स अफिसमा सुपरहिटको व्यापार गरेपछि तमिल चलचित्रका निर्माता विजयलाई चलचित्रमा लिनका लागि हानथाप गर्ने गर्छन् । सन पिक्चर्सले निर्माण गर्न लागेको चलचित्रमा महंगो पारिश्रमिक लिएसँगै विजयको चर्चा चुलिएको छ ।

सन पिक्चर्सले विजयलार्य ५० करोड रुपैयाँ दिइसकेको छ । विजय अहिले चलचित्र ‘मास्टर’को छायांकनमा व्यस्त छन् । यसअघि नायक रजनीकान्तले चलचित्र ‘दरबार’का लागि ९० करोड पारिश्रमिक लिएको चर्चा थियो ।