काठमाडौ – नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी माओवादीको भातृ संगठन अखिल (क्रान्तिकारी) ले आज बिहीबार देशभरिका शिक्षण संस्था बन्द गरेको छ ।

नेकपाका प्रवक्ता खड्गबहादुर विश्वकर्माका छोरा नरेन्द्र विश्वकर्मालाई प्रहरीले पक्राउ गरेको विरोधमा क्रान्तिकारीले स्कुल र कलेज बन्द आह्वान गरेको हो ।

विश्वकर्मा तीन थान गोलीसहित विराटनगर विमानस्थलबाट प्रक्राउ परेका थिए । उनको विद्यार्थी विभाग हेर्ने जिम्मा रहेको बताईएको छ । अखिल क्रान्तिकारीको बन्दले राजधानीसहित देशभरका निजी तथा सरकारी शिक्षणसंस्था प्रभावित भएका छन् ।