काठमाण्डु- विराट गोल्ड कप फुटबल प्रतियोगितामा पहिलो क्वाटरफानलमा बुधबार रिजालको मोरङ र नेपाली सेनाको त्रिभुवन आर्मी क्लबबीच खेल हुँदैछ । खेल साँझ ६ः३० बजे हुने छ। प्रतियोगितामा भारतका दुई र नेपालका विभागीय टिमसहित १० वटा टिम सहभागी छन्।

प्रतियोगिताको विजेतालाई नगद ११ लाख रुपैयाँ, उपविजेतालाई पाँच लाख रुपैयाँ, उत्कृष्ट प्रशिक्षक, उत्कृष्ट गोलरक्षक र सर्वाधिक गोलकर्तालाई जनही १५ हजार रुपैयाँ, दैनिक हुने खेलको उत्कृष्ट खेलाडीलाई ११ हजार रुपैयाँ र सर्वोत्कृष्ट खेलाडीलाई ५१ हजार रुपैयाँ नगद पुरस्कार प्रदान गरिनेछ।

मंगलबार भएको खेलमा विभागीय टोली सशस्त्र प्रहरी बल एपिएफले भारतको सुदेभा दिल्लीलाई ट्राइबेकर ५–३ गोलले पराजित गर्दै क्वार्टरफाइनलमा प्रवेश गरेको हो।