काठमाडौं – सत्तारुढ दल नेकपाका महासचिव विष्णु पौडेल चीन भ्रमणमा निस्केका छन् । चीनको सियानमा स्थापना हुन लागेको सियान साउथ एसियन स्टडिज सेन्टरको उद्घाटन समारोहमा सहभागी हुन पौडेल शनिवार त्यसतर्फ लागेका हुन् । पुर्व अर्थमन्त्री समेत रहेका नेता पौडेललाई त्यहा प्रमुख अतिथिको रुपमा बोलाईको उनको सचिवालयले जनाएको छ ।

पौडेलसंगै नेकपाका केन्द्रिय सदस्य देवेन्द्र दाहाल पनि चीन उडेका छन् । चीन भ्रमणको क्रममा पौडेलले चिनियां कम्युनिष्ट पार्टीका प्रान्तिय नेताहरुलाई भेट्ने कार्यक्रम छ । 

प्रधानमन्त्री लगायत उच्च पदस्थ व्यक्तिहरूको सरकारी निवास रहेको बालुवाटार क्षेत्रको जग्गा घोटालामा पौडेलको नाम मुछिएको थियो । तर, पौडेलले भने कानुनअनुसार उक्त जग्गा आफुले खरिद गरेको  बताएका थिए  ।