काठमाडौं— नेपाल प्रहरीका एसएसपी विश्वराज पोखरेल डीआईजीमा बढुवाका लागि सिफारिसमा परेका छन्।

गृह मन्त्रालय, बढुवा समितिको बिहीबारको बैठकले रिक्त रहेको एउटा डीआईजी पदका लागि पोखरेललाई बढुवाका लागि सिफारिस गरेको हो ।

पोखरेल लागूऔषध नियन्त्रण ब्युरोमा कार्यरत् छन्, उनी त्यसअघि काठमाडौं प्रहरी परिसरको प्रमुखको रुपमा थिए।

दोस्रो संविधानसभा चुनावताका एसपी रहेका उनी जिल्ला प्रहरी कार्यालय, मोरङको नेतृत्वमा थिए।