काठमाण्डु- पूर्वराष्ट्रपति विद्यादेवी भण्डारी थाइल्याण्डको राजधानी बैंकक प्रस्थान गरेकी छन् ।

पूर्वराष्ट्रपति भण्डारी सोमबार बैंकक उडेकी हुन् । भण्डारीलाई विमानस्थलमा बिदा गर्न एमालेका थुप्रै नेताहरू पुगेका थिए ।

भण्डारीलाई विदाइ गर्न एमाले स्थायी समिति सदस्य भानुभक्त ढकाल, संगठन विभाग प्रमुख काशीनाथ अधिकारी, एमाले कार्यालय सचिव डा. भीष्मराज अधिकारीलगायत एमाले नेताहरू विमानस्थल पुगेका थिए । त्यस्तै, अनेरास्ववियुका अध्यक्ष समिक बडाल पनि उनलाई विदाइ गर्न विमानस्थल पुगेका थिए ।

तत्कालीन एमालेको उपाध्यक्ष रहेको अवस्थामा दुई कार्यकाल राष्ट्रपति बनेकी भण्डारी फेरि सक्रिय राजनीतिमा फर्किने तयारीमा छिन् । केही महिनादेखि भण्डारी एमालेको राजनीतिमा आउन देश दौडाहमा लागेकी छन् ।