एजेन्सी – विमान निर्माता कम्पनी बोइङका प्रमुख कार्यकारी अधिकृत बर्खास्त भएका छन् । कम्पनीप्रति जनविश्वास पुनःस्थापना गर्न भन्दै अमेरिकाको अग्रणी बोइङ कम्पनीले डेनिस मालनबर्गलाई पदबाट हटाउने निर्णय गरेका हो ।

इन्डोनेसिया र इथियोपियामा बोइङ कम्पनीको ७३७ म्याक्स मोडलका दुईवटा विमान दुर्घटना हुँदा ३४६ जनाको मृत्यु भएको थियो । त्यसपछि उक्त मोडलका विमानको उडान संसारभर रोकिएको थियो ।

बीबीसीका अनुसार त्यसयता दबाब झेलिरहेका प्रमुख कार्यकारी अधिकृत मालनबर्गलाई बोइङले पदबाट बर्खास्त गरेको हो । उनको ठाउँमा बोइङले कम्पनीका अध्यक्ष डेबिड काल्हुनलाई नियुक्ति गरेको छ। उनले जनवरी १३ तारिखदेखि नयाँ जिम्मेवारी सम्हाल्ने बीबीसीले जनाएको छ ।