काठमाण्डु-दैलेखको दुल्लु नगरपालिका–१४ वडाध्यक्षमा एमाले विजयी भएको छ । एमालेका लालबहादुर शाही ५७४ मतसहित निर्वाचित भएका छन् ।

उनका प्रतिद्वन्दी नेपाली काँग्रेसका रेशमबहादुर शाहीले ५७१ मत प्राप्त गरेका छन् । त्यस्तै सो वडामा माओवादीका ढकेन्द्रबहादुर शाही २७८ मत पाएका छन् ।
यस्तै, सप्तरीको डाक्नेश्वरी नगरपालिका वडा नं १ को अध्यक्षमा जनता समाजवादी पार्टी, नेपालका धिरेन्द्रकुमार साह विजयी भएका छन् । साहले ६ सय ५२ मत प्राप्त गरि विजयी भएका हुन् ।

त्यस्तै नगरपालिकाको वडा नम्बर ४ मा भएको उपनिर्वाचनमा पनि जसपाले बाजी मारेको छ । वडा नं ४ को अध्यक्षमा जनता समाजवादी पार्टी, नेपालका देवेन्द्र प्रसाद यादव विजयी भएका हुन् । यादवले तीन सय ७२ मत प्राप्त गरि विजयी भएका हुन् ।