काठमाण्डु – नेपाल क्रिकेट संघ (क्यान) को नेतृत्वमा पुनः चतुरबहादुर चन्द निर्विरोध निर्वाचित भएर नयाँ टीम बनेको छ ।

संघको नयाँ नेतृत्वका लागि सचिव र १० केन्द्रीय सदस्यमा निर्वाचन भएको छ भने अन्य पद निर्विरोध भएका छन्

सचिव पदमा प्रतिस्पर्धी प्रशान्तविक्रम मल्ललाई ११ मतले हराउँदै पारस खड्का विजयी भएका छन् ।

यसअघि उपाध्यक्षमा रोशन सिंह र कोषाध्यक्षमा पदम खड्का निर्विरोध भएका थिए । महिला सदस्यमा सुदूरपश्चिमकी जयन्ती भट्ट निर्विरोध निर्वाचित भएकी थिइन् ।

चुनावबाट सदस्यमा अर्जुन पौडेल, माधव कुमार कर्माचार्य, दिवाकर घले, सुदिप शर्मा, बिक्रम विष्ट, धिरेन्द्र सावद, दुर्गाराज पाठक, आयूष श्रेष्ठ, विरेन्द्रबहादुर चन्द र करन महत्रा क्षेत्री चुनिएका छन् ।