काठमाडौं– विशेष अदालतले सम्पत्ति शुद्धिकरण सम्बन्धी मुद्दामा चक्रे मिलनलाई सफाइ (क्लिन चिट) दिएको छ।

बुधबार न्यायाधीशहरु रत्नबहादुर बागचन्द चण्डीराज ढकाल र प्रमोदकुमार श्रेष्ठ वैद्यको संयुक्त इजलासले उनलाई सफाइ दिएको हो।

डनको रुपमा चिनिने चक्रेले अवैध रुपमा ७ करोड ८ लाख रुपैयाँ कमाएको भन्दै सम्पत्ति शुद्धिकरण अनुसन्धान विभागले उनीविरूद्ध २०७० जेठमा विशेष अदालतमा मुद्दा दायर गरेको थियो।

विभागले जेल सजाय, जरिवाना र बिगो जफतको मागसहित चक्रेमाथि अदालतमा मुद्दा चलाएको थियो।

सम्पत्ति शुद्धिकरणमा मुछिएका डन दीपक मनांगेले यसअघि नै सफाइ पाएका थिए।