काठमाण्डु– विक्की कौशल र रस्मिका मन्दना स्टारर हिन्दी फिल्म ‘छावा’ ले आक्रामक व्यापार गरिरहेको छ। फिल्म गत शुक्रबार बाट विश्वव्यापी रुपमा रिलिज भएको थियो ।

फिल्मले रिलिजको तीन दिनमा १०० करोडभन्दा धेरै भारतीय रुपैयाँ कमाइ गरेको छ । फिल्मले ३ दिनमा १२० करोडको कमाइ गरेको भारतिय सञ्चारमाध्यमले जनाएका छन् ।

रिलिजको पहिलो दिन फिल्मले भारतमा मात्र ३३ करोड भारु ओपनिङ गरेको थियो। जुन सन् २०२५ को ठूलो ओपनिङ फिल्म हो।

फिल्मले दोस्रो दिन ३९ करोड र तेस्रो दिन ४८ करोड भारु कलेक्सन गरेको छ।

लक्ष्मण उतेकर निर्देशित यस फिल्मा विक्कीसहित रश्मिका मन्दना र अक्षय खन्नाको मुख्य भूमिका छ। फिल्ममा विक्की छत्रपति शिवाजी महाराजका छोरा संभाजी महाराजको भूमिकामा देखिएका छन्।