काठमाडौं – बंगलादेशका प्रधानसेनापति अजिज अहमद नेपाल भ्रमणमा आउंदैछन् । नेपाली सेनाका प्रधानसेनापति पूर्णचन्द्र थापाको औपचारिक निमन्त्रणामा जनरल अहमद माघ २४ मा नेपाल भ्रमणमा आउने कार्यक्रम तय भएको सैनिक जनसम्र्पक निर्देशनालयले जनाएको छ । उनि माघ २८ मा स्वदेश फर्कनेछन् ।

सेनाले यस किसिमको उच्च तहको सैनिक नेतृत्व वर्गको भ्रमणले नेपाली सेना र मित्रराष्ट्र बंगलादेश सेना बीच रहँदै आएको आपसी सौहार्द्रपूर्ण सम्बन्धको साथै द्विपक्षीय आपसी समझदारी, हित र पारस्परिक सम्बन्धलाई थप सुमधुर एवं प्रगाढ बनाउन मद्दत पुग्ने विश्वास लिएको छ ।