काठमाण्डु – नेपाली कांग्रेसका सभापति शेरबहादुर देउवाको एमाले अध्यक्ष केपी शर्मा ओलीसँगको भेटवार्ता सकारात्मक भएको बताएका छन् ।

बुढानीलकण्ठस्थित निवासमा सोमबार बसेको पदाधिकारी र पूर्व पदाधिकारी बैठकमा देउवाले ओलीसँगको भेटवार्ता सकारात्मक भएको बताए ।

बैठकपछि पत्रकारहरूसँग कांग्रेस प्रचार विभाग प्रमुख मिन विश्वकर्माले देउवा र ओलीबीच सकारात्मक कुराकानी भएको ब्रिफिङ देउवाले गरेको बताए ।

विश्वकर्माले ओलीले देउवालाई चिया खान निवास बालकोटमा बोलाएपछि सभापति देउवा गएका बताए । ‘अहिले ओलीजीसँगको भेटवार्ता सुमधुर र सकारात्मक छ,’ देउवाको भनाइ थियो । बैठकमा भ्रातृ संस्था र समसामयिक राजनीतिक घटनाक्रममा कुराकानी भएको विश्वकर्माले बताए ।