काठमाण्डु- नेपालमा पछिल्लो २४ घण्टामा ६२० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार २ हजार ६५१ जनाको पीसीआर परीक्षण गर्दा ४९६ जना र ३ हजार १९५ जनाको एन्टिजेन परीक्षण गर्दा १२४ जनामा संक्रमण देखिएको हो ।

यस्तै संक्रमणबाट थप एक जनाको मृत्यु भएको छ । योसँगै कोरोनाबाट मृत्यु हुनेको संख्या ११ हजार ९६७ पुगेको छ ।

कोरोनाबाट २९७ जना निको भएका छन् । यससँगै सक्रिय संक्रमितको संख्या चार हजार ५६७ पुगेको छ ।