एजेन्सी – कोरोनाभाइरसबाट अमेरिकामा थप एक जनाको मृत्यु भएको छ । उनको मृत्यु पहिलो व्यक्तिको मृत्यु भएको सियाटल क्षेत्रको अस्पताल नजिकै भएको अधिकारीहरुले बताएका छन् ।

अमेरिकाभरी कोरोनाभाइरस संक्रमित व्यक्तिको संख्या ७४ पुगेको डेली मेलले जनाएको छ । वासिङटन राज्यका स्वास्थ्य अधिकारीले आइतबार राती उक्त व्यक्ति ७० वर्षको उमेरमा मरेको बताएका छन् । उनी सियाटलका वासिन्दा हुन् । यहाँ दर्जनौ मानिसलाई भाइरसको परिक्षण गरिँदै आएको छ ।

दोस्रो व्यक्तिको स्वास्थ्य अवस्था नाजुक भएको र किर्कल्यान्डको इभरग्रीन अस्पतालमा मृत्यु भएको हो । यही अस्पतालमा हिजो देशको पहिलो कोरोनाभाइरस सम्बन्धित मृत्यु भएको थियो ।

अधिकारीहरुले अस्पतालमा कोरोनाभाइरसका अन्य बिरामी पनि भएको बताएका छन् । यसमा ८० माथि र ९० माथिका एक–एक महिला र ७० माथिका एक पुरुषको अवस्था गम्भरी भएको बताइएको छ ।