काठमाण्डु – सर्वाेच्च अदालतमा नेपाल विद्युत् प्राधिकरणको कार्यकारी निर्देशक नियुक्ति सम्बन्धी विवादमा निवर्तमान कार्यकारी निर्देशक कुलमान घिसिङ र नवनियुक्त कार्यकारी निर्देशक हितेन्द्रदेव शाक्यले दायर गरेको रिटमा सुनुवाइ नसकिँदा हेर्दाहेर्दैमा राखिएको छ ।

मंगलबार न्यायाधीशद्वय कुमार चुडाल र नित्यानन्द पाण्डेयको इजलासमा रिटमाथि सुनुवाइ पूरा नभएपछि मुद्दा हेर्दाहेर्दैमा राखिएको छ ।

मंगलबार कुलमान र हितेन्द्रदेवको रिटलाई विशेष प्राथमिकता दिएर सुनुवाइ गरिए पनि हेर्दाहेर्दैमा रहेको छ । चुडाल र पाण्डेयको इजलासमा ४२ वटा मुद्दाको पेशी तोकिएकोमा २ रिटमाथिको सुनुवाइलाई प्राथमिकतामा राखी ३४ मुद्दाका रिटको पेशीलाई हेर्न नभ्याइनेमा राखिएको थियो ।

गत चैत ११ गतेको मन्त्रिपरिषद् बैठकले कुलमान घिसिङलाई प्राधिकरणको कार्यकारी निर्देशकबाट हटाएर हितेन्द्रदेव शाक्यलाई नियुक्त गर्ने निर्णय गरेको थियो ।