काठमाण्डु- नेपाली अलराउन्डर दिपेन्द्र सिंह ऐरी टि२० अन्तर्राष्ट्रिय क्रिकेटको अलराउन्डर वरीयतामा शीर्ष दश भित्र पर्न सफल भएका छन् ।

आइसिसीले जारी गरेको नयाँ वरियतामा टि२० आईको अलराउन्डर तर्फ शीर्ष १० मा अटाउन सफल भएका हुन् । दीपेन्द्र १ सय ५२ रेटिङ अंकसहित १० औँ स्थानमा उक्लिएका छन् । आइसिसीको कुनैपनि वरियतामा शीर्ष १० मा अट्ने दीपेन्द्र पहिलो नेपाली खेलाडी हुन् ।

दीपेन्द्र ब्याटिङतर्फ नयाँ वरियतामा ३८ औं स्थानमा छन् । दिपेन्द्रले गत महिना घरेलु मैदानमा भएको त्रिकोणात्मक टि२० सिरिजमा उत्कृष्ट अलराउन्ड प्रदर्शन गर्दै म्यान अफ द सिरिज घोषित भएका थिए । उनले मलेसिया र पपुवा न्युगिनीविरुद्धको सिरिजमा २ अर्धशतक र १ शतक प्रहार गरेका थिए ।