काठमाडौं – १३ औं साग अन्तरगत महिला क्रिकेटमा नेपाल बंगलादेशसँग १० विकेटले पराजित भएको छ । टस हारेर पहिले ब्याटिङ गरेको नेपाल ५० रनमै समेटियो ।

१९ दशमलव २ ओभरमा अलआउट भएको नेपालका लागि तीन खेलाडीले मात्र दोहोरो अंकमा रन बटुल्न सके । नेपालकी ओपनर काजल श्रेष्ठ ५ बल खेल्दै खाता नखोली आउट भएपछि नेपालको विकेट पतन सुरु भएको थियो ।

अर्की ओपनर सीता रानामगरले पनि १२ बलमा तीन रन मात्र बनाउन सकिन् । त्यसपछि आएका सोनु खड्का, कप्तान रुबिना क्षेत्री र इन्दु बर्माले क्रमशः १२, १३ र १० रन बनाए ।

बंगलादेशकी रबिया खानले ४ विकेट लिइन् । जवाफि व्याटिङ गरेको बंगलादेशले सातौं ओभरमा विना कुनै विकेटको क्षतिमा लक्ष्य पुरा गर्यो ।

बंगलादेशका लागि मुर्सिदा खातुनले रन र आयशा रहमानले रन बनाइन् । यस अघि नेपालले आफ्नो पहिलो खेलमा माल्दिभ्सविरुद्ध १० विकेटको जित हात पारेको थियो । नेपालले अर्को खेल मंसिर २० गते श्रीलंकासँग खेल्ने छ ।