काठमाण्डु – प्रधानमन्त्री कप १ दिवसीय राष्ट्रिय क्रिकेट प्रतियोगितामा सुदूरपश्चिम प्रदेशलाई ९७ रनले हराउँदै त्रिभुवन आर्मी क्लब फाइनलनजिक पुगेको छ ।

प्रतियोगितामा छैटौं जीत निकाल्दै आर्मी १२ अंकका साथ अंकतालिकाको दोस्रो स्थानमा उक्लिएको छ ।

जीतका लागि २६३ रनको विजयी लक्ष्य पछ्याएको सुदूरपश्चिम प्रदेश ४१.१ ओभरमा १६५ रन बनाएर ‘अल आउट’ भएको छ ।

टस जितेर पहिला ब्याटिङ रोजेको आर्मी ४८.३ ओभरमा २६२ रनमा ‘अल आउट’ भएको छ ।

प्रतियोगितामा नेपाल पुलिस क्लब ७ खेलमा १४ अंक बटुलेर शीर्ष स्थानमा रहँदै फाइनल पुगिसकेको छ । आर्मीले अन्तिम खेलमा बिहीबार गण्डकीसँग जीत निकालेमा फाइनलमा पुग्नेछ ।