काठमाण्डु – क्यानडा विरुद्धको १ दिवसीय क्रिकेट सिरिजको दोस्रो खेलमा नेपालका ओपनर अनिल साह अर्धशतक बनाएर आउट भएका छन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा विष्फोटक ब्याटिङ प्रदर्शन गरेका अनिलले १९ बलमा अर्धशतक पूरा गरेका हुन् ।

उनले ७ चौका र ३ छक्काको मद्दतले अर्धशतक बनाएका छन् ।

अहिले देव खनाल र रोहित पौडेलले ब्याटिङ गरिरहेका छन् । यसअघि ओपनर आसिफ शेख १० रनमा आउट भएका थिए ।