काठमाण्डु- आईसीसी क्रिकेट विश्वकप लिग-२ अन्तर्गतको सिरिजको पहिलो खेलमा नामिबियाविरुद्ध नेपाललाई पाचौं सफलता मिलेको छ ।तीव्र गतिका बलर सोमपाल कामीले आईसीसी विश्वकप लिग–२ मा ३ विकेट लिएसँग नेपाललाई पाचौं सफलता मिलेकाे हाे ।

नामिबियाविरुद्ध सोमपालले तीन र ललित राजवंशीले २ विकेट लिए। सोमपालले २५ औँ ओभरको पहिलो बलमा विकेट किपर जान ग्रिनलाई २ रनमा आउट गराउँदै पेभेलियनको बाटो देखाए।

त्यसअघि सोमपालले नै पहिलो खेलको २१ औँ ओभरमा २ विकेट लिएका थिए। सोमपालले २१ औँ ओभरको तेस्रो बलमा कप्तान जिहार्ड इरासमसलाई ८ रन बनाउँदा पवन सरौफको हातबाट क्याच आउट गराए।

त्यही ओभरको अन्तिम बलमा जान फ्राइलिंकलाई ३४ रनमा क्याच आउट गराए। ५३ बलमा ४ चौका हानेका जान ३४ रन बनाउँदा कुशल भुर्तेलको हातबाट क्याच आउट गराए।