काठमाण्डु- नामिबिया र नेदरल्यान्ड्स सम्मिलित टी-२० त्रिकोणात्मक सिरिजका लागि नेपाली टोलीको घोषणा गरिएको छ ।

नेपाल क्रिकेट संघ (क्यान) ले आइतबार रोहित पौडेलको कप्तानीमा टी-२० खेल्ने टोलीको घोषणा गरेको हो। यो टोलीमा यसअघि क्यानाडाविरुद्ध खेलेका नेपाल ‘ए’ का सात खेलाडी समेटिएका छन्।

टी-२० को टोलीमा भीम सार्की, देव खनाल, सूर्य तामाङ र पवन सर्राफ समेटिएका छैनन्। टी-२० विश्वकपको तयारीमा रहेको नेपालले आईसीसी विश्वकप लिग-२ खेलेका टोलीसँग सिरिज खेल्न लागेको हो। नेपालले मंगलबार देखि घरेलु मैदानमा टी २० सिरिज खेल्नेछ। सिरिजको पहिलो खेलमा नेपालले फागुन १५ गते नामिबियासँग खेल्नेछ।

टी-२० खेल्ने टोली
रोहित पौडेल , आशिफ शेख, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुलशन झा, सोमपाल कामी, प्रतिश जीसी, सन्दीप जोरा, विनोद भण्डारी, विवेक यादव, अनिल साह, रासिद खान, सागर ढकाल, आरिफ शेख र अविनाश बोहोरा।