काठमाण्डु- पहिलो टी-२० मा नामिबियाले दिएको २०७ रनको लक्ष्य पछ्याउँदै ब्याटिङ गरेको नेपालले १४ ओभर सकिदा ७ विकेट गुमाएको छ । नेपालले सातौं विकेटका रुपमा विवेक यादवलाई गुमाएकोे हो ।

नेपालका ओपनर कुशल भुर्तेल नामिबियाका रुबेन ट्रम्पलम्यानको एलबिडब्लूको धरापमा पर्दा गोल्डेन डकआउट भए। अर्का ओपनर आसिफ शेखले ६ रन मात्र जोड्न सके।

कप्तान रोहित पौडेलले २४ बलमा ३ चौका र ३ छक्काको मद्दतमा ४२ रनको योगदान गरे। कुशल मल्लले २१ बलमा ४ चौका र १ छक्काको मद्दतमा ३२ रन जोडे। यस्तै गुल्सन झा ६ बलमा १२ रन जोडेर आउट भएका छन् भने सन्दीप जोराले ५ रन मात्र जोड्न सके। लगत्तै विवेक यादव पनि ६ रनमा आउट भए।