काठमाण्डु- आईसीसी टी-२० विश्वकप क्रिकेटको नवौँ संस्करणका लागि बंगलादेशले आफ्नो टोलीको घोषणा गरेको छ । मंगलवार बंगलादेशले विश्वकपका लागि नजमुल हुसैन शान्तोको कप्तानीमा टोलीको घोषणा गरेको हो ।

विश्वकपका लागि घोषित बंगलादेशको टोलीमा नजमुल हुसैन शान्तो (कप्तान), तस्कीन अहमद, लिटन दास, सौम्य सरकार, तंजिद हसन तामिम, शकिब अल हसन, तौहिद हृदोय, महमुदुल्लाह रियाद, जेकर अली अनिक, तनवीर इस्लाम, शक मेहदी हसन, रिशाद हुसैन, मुस्तफिजुर रहमान, शोरफुल इस्लाम र तंजिम हसन सकिब रहेका छन् ।

आगामी विश्वकपमा बंगलादेश समूह ‘डी’ मा परेको छ । उक्त समूहमा नेपाल, दक्षिण अफ्रिका, नेदरल्यान्ड्स र श्रीलंका रहेका छन् । आगामी टी-२० विश्वकप जुन १ देखि २९ तारिखसम्म अमेरिका र वेस्ट इन्डिजमा आयोजना हुँदैछ ।