पूर्णबहादुर खड्का
अछाम– अछाममा आयोजित जिल्लास्तरीय क्रिकेट प्रतियोगिताको उपाधि कालीमाटी युवा क्लब बैजिनाथले हात पारेको छ।

शनिबार रिडिकोट खेल मैदान बडासैनमा सम्पन्न फाइनल खेलमा रिडकोट युवा क्लबलाई २ विकेटले पराजित गर्दै वैजिनाथले उपाधिमाथि कब्जा जमाएको हो।

रिडिकोटले दिएको १ सय २९ रनको लक्ष्य कालिमाटीले १९ दशमलबव २ ओभरको समाप्तीमा ८ विकेट गुमाएर पुरा गर्यो। खेलमा कालीमाटीका नविन शाहले ३ छक्काको मद्दतले ४५ रनको योग्दान गरे।

कालिमाटीका कुबेर शाहले २१ रनको योग्दान दिलाएका थिए।

यसअघि टस हारेर व्याटिङको निम्तो पाएको रिडिकोट १७ दशमलव ३ ओभरमा सबै विकेट गुमाएर १ सय २८ रनमा समेटिएको थियो। रिडिकोटका लागि ईश्वर कुमालले २८ रन जोडे पनि जितका लागि प्रयाप्त भएन।

उसका टिकाराम पालले २१ रन बनाए।