काठमाण्डु – एसीसी मेन्स प्रिमियर कपमा ओमानविरुद्धको खेलमा कुशल मल्लले शतक पूरा गरेका छन् । कुशलले ५९ बलमा ९ चौका र ९ छक्काको सहयोगमा शतक प्रहार गरेका हुन् ।

योसँगै नेपालले ३९ ओभरमा ६ विकेट गुमाएर २ सय ९ रन बनाएको छ । नेपालका कुशल भुर्तेल र अर्का ओपनर आसिफ शेख शून्य रनमा आउट भएका थिए । कप्तान रोहित पौडेल २३ रन तथा भिम सार्की ३३ रनमा आउट भएका थिए ।

टस हारेर नेपालले पहिला ब्याटिङ गरिरहेको छ । क्रिजमा अहिले कुशल मल्ल र सोमपाल कामी रहेका छन् ।मल्ल १ सय १ रनमा अविजित रहँदा सोमपाल ९ रनमा अविजित रहेका छन्। कुशलको एकदिवसीय अन्तराष्ट्रियमा पहिलो शतक हो । नेपालका लागि ओडिआईमा शतक बनाउने कुशल छैटौं खेलाडी हुन् ।